Nitrangàna fanafihana mitam-piadiana teny By-Pass.

Notafihan’ny jiolahy mitondra fitaovam-piadiana ny tranon’ny mpandraharaha iray, Niana, teny Behitsy, kaomina Ambohimangakely,ny Alahady 29 janoary 2023 lasa teo. Jioahy miisa 6, nisaro-tava no niditra an-keriny tao an-tranony. Notifiriny tamin’izany izy sy ny mpiambina azy, very ihany koa ny vola mitentina 50 tapitrisa sy fitaovana toy ny solosaina.

Marihina, tompona orinasa iray lehibe « Champion society », eny By- Pass ity mpandraharaha ity. Nilaza ny fianakaviany, misy olona izay manao raharaha ara-barotra aminy no nahafatantatra ny fisian’ny vola be mihodina ao anaty ny orinasany. Tra-doza teny amin’ny « Rocade Iarivo » ihany ko izy, herinandro talohan’ny fanafihana niseho tao an-tranony, izay tsy fantatra mazava ny antony na efa teti-dratsy nomanina noho ny vola be very tamin’izany.

Na dia eo aza izany, malaza ratsy amin’ny resaka tsy fandriam-pahalemana ny eny amin’ny fokontany Behitsy, kaomina Ambohimangakely, raha ny nambaran’ny mponina eny an-toerana Manoloana izany, efa mandeha ny fanadihanana mahakasika ity tranga fanafihana ity. Ary ao anaty ny fikarohana ireo jiolahy ny eo anivon’ny mpitandro ny filaminana.

Fah Mou